चित्रपट हे एक प्रभावी साधन आहे आणि त्याचबरोबर हि एक दृश्यात्मक कला आहे. हि एक प्रकारची कला आहे. ज्यामध्ये हालत्या चित्रांच्या मार्फत किवा चलचित्रांद्वारे लोकांचे मनोरंजन केले जाते. त्याचबरोबर माहितीपूर्ण संदेश हि मनोरंजनकरत लोकांपर्यंत पोहचविता येते. एक चित्र (फ्रेम किवा फोटो) हे खूप काही सांगून जाते. एखादे स्थिर चित्र जर इतक काही सांगून जाते तर आपण चलचित्रांबद्दल म्हटल तर त्याची परिणामकारकता स्थिर चित्रांपेक्षा अधिक असेल असे म्हणणे वावग काही ठरणार नाही.
संकल्पना, कथा, पात्र, अभिनय, कॅमेरा व प्रकाशयोजना, ध्वनी मुद्रण, संकलनाचे तंत्रज्ञान इतर बऱ्याच घटकांनी मिळून चित्रपट हि कला केली जाते. चित्रपट बनविणे हे कोणा एका कलाकाराचे काम नाही, जसे कि चित्रकार हा एकटाच चित्र काढून त्याची कला सादर करू शकतो. चित्रपट हि कला सादर करताना तिच्या निर्मितीपासूनच नव्हते तर निर्मितीच्या आधी पासून चित्रपटाकरीता विविध कलाकार लागतात.कलाकार म्हणजे फक्त अभिनेते नाही तर त्यात दिग्दर्शक,लेखक (संकल्पना, कथा, पटकथा, संवाद इ), चित्रकार (स्टोरीबोर्ड रेखाटणारा चित्रकार), डी ओ पी (शुटींग करणारा), ग्राफर(प्रकाश योजना करणारे), नृत्य दिग्दर्शक, संगीतकार गायक इतर असे विविध कलाकार मंडळी एकत्र येऊन त्यांच्या अंगी असणाऱ्या विविध कलांचे एकत्रीकरण करून त्यातून एक कलेचा अविष्कार करतात, त्यातून जी कलाकृती निर्माण होते त्याला आपण चित्रपट असे संबोधू शकतो.
चित्रपट हे विविध जॉनर्समध्ये बनविले जातात.चरित्रयावर, विज्ञानावर,भयात्मक, विनोदात्मक, मनोरंजनात्मक, नाटयात्मक, समांतर, कल्पनात्मक, पौराणिक कथांवर आधारित, रोमांचक, गुन्हे विषयक, ऐतिहासिक, सामाजिक, राजकीय, सत्य घटनेवर आधारित तसेच इतर विविध जोनर्सवर चित्रपट बनविले जातात.
कोणत्याही टिप्पण्या नाहीत:
टिप्पणी पोस्ट करा